Fonte Capital Ltd бас директоры Сингапурда өткен Milken Institute 2025 Азия саммитінде сөз сөйледі
Сингапурде өткен Milken Institute 2025 саммитінде сарапшылар Орталық Азия өңірінің инвестициялық перспективаларын талқылады.
1-3 қазан аралығында Сингапурда «Мақсатпен прогресс: күрделілік жағдайындағы ынтымақтастық» тақырыбына арналған 12-ші Milken Institute 2025 Азия саммиті өтуде. Саммит дәстүрлі түрде мегатрендтерді талқылау және жаһандық прогресті жеделдетуге қабілетті стратегиялық шешімдерді іздеу үшін бизнес, қаржы, технология, денсаулық сақтау және мемлекеттік басқару салаларындағы әлемдік көшбасшыларды біріктірді.
Fonte Capital Ltd бас директоры Ержан Мусин «Орталық Азияның әлеуетін ашу: Қазақстандағы мүмкіндіктер» панельдік пікірталасы аясында сөз сөйледі, онда өңірдің инвестициялық перспективалары талқыланды.
Сессияны Princeton in Asia Fellow, Milken Institute Hadley Trahan ашты.
Neo Bank негізін қалаушы және Қазақстан-Сингапур іскерлік кеңесінің тең төрағасы Сұлтан Маренов модератор болды.
Спикерлер қатарында сондай-ақ:
- Kazakh Invest шетелдік өкілі Диана Аблякимова;
- Astana International Financial Centre (AIFC) басқарушысы Ренат Бектуров;
- InvestBanq компаниясының негізін қалаушы Олжас Жиенкул болды.
Пікірталас барысында сарапшылар Орталық Азия өсімінің негізгі драйверлерін - реформалар мен шетелдік инвесторларды қолдау тетіктерінен бастап цифрлық активтер инфрақұрылымын, қаржы технологияларын және венчурлік инвестицияларды дамытуға дейін талқылады.
«Орталық Азияда АХҚО-ны реттеу аясында цифрлық активтердің инфрақұрылымын дамыту институционалдық және бөлшек инвесторлар үшін жаңа мүмкіндіктер ашады. Өңірдегі алғашқы биржа қорларын цифрлық активтерге – стейкингпен Bitcoin ETF және Solana ETF – іске қосу тәжірибесі Қазақстанның жаһандық экожүйенің бір бөлігіне айналғанын және цифрлық инвестициялар картасында өз орнын алып жатқанын көрсетеді», - деп атап өтті Fonte Capital Ltd бас директоры Ержан Мусин өз сөзінде.